|
| 因為張 memory card 突然死亡， 令之前去 Melbourne， Auckland， 同埋同 Ceci 一齊再去 Rome 影o個 d 相全部都一刻間冇晒， 唔只係相， 仲有好多 video， 呢兩年o既 video 都冇晒．．．唔開心o左一晚．．．想盡諗辦法都無法復原， 就好似一段情咁． 今朝開 winamp 聽到 Kristy download o左首歌， "you were my everything"， 聽完覺得好心 "up"， 好 depressed， 頭先打打o下 xanga， 聽到鄭欣宣o既 "直覺"， 竟然失控咁喊， 喊o左成半個鐘先可以繼續打呢篇 xanga， 傻o左．．．我喊係我覺得自己好可惡，超可惡，自己都睇自己唔順眼，喊o既時候， 咩都係諗到最灰，諗到自己咩都冇晒，冇晒朋友，冇人關心，冇人理，畀人睇死，自己唔爭氣．．．加上十萬個不幸．．．我呢一刻感受到想自殺o既人o既感受，人o係傷心時真係好脆弱，但係千祈唔好諗埋一邊．．． 尋日 whole day search Korea trip／ hostel o的 info， search o下 search o下，突然有唔想去o既感覺，唔知，我覺得會記起好多回憶．．． 你講得好o岩，你真係好清楚我（我真係一路都知），但係我冇得揀，我只可我行我路，我走唔出我o既死胡同．．．希望前路快o的清晰o的，或者畀我失憶，唔知道自己係邊個．．． | | |
| 一直都好想去南非睇獅子老虎, 今次終於都有機會喇, 但係聽到好多關於 JNB o既衰o野, 突然有 D 驚...... 希望一切順利~ 希望大家珍惜現有的..... 上個星期去o左 Dubai (DXB), 提早o左兩個鐘去機場搵以前做 ground 時o既同事, 睇見大家都感到好哀傷, 原本 down o既我, o係出發前更 down...... o係 T2 買o左兩本書o係 outport 睇, 我真係好耐好耐未 "的" 起心肝睇書喇...... (而且我超慳, 根本唔捨得買書睇...... =.=) 買o左本應該係一年前買o左o既書, "The five people you meet in heaven" ("在天堂遇見的五個人"), 同埋 "The Boy in the Striped Pajamas" ("穿條紋衣的男孩"), 第二本係畀佢o既 cover 吸引o左, 睇完中文版, 好想好想買返本原來o既英文版...... 兩本想係發人心省o既書, 呢一個禮拜, 一唔開心同埋瞓覺之前就會睇書, 令我回想起我以前中學時代, 尤其是同 Kathy 相處最多o既時間係睇得最多書o既 (Kathy 而家係咪回想中...... 然後想講: "o下, 唔係好多 ja 喎~" heehee), 因為 Kathy 太愛 reading la~, especially "Harry Potter"o個類o既書, 唔開心時睇書係 ok o既, 但係, 當我放低本書, 我會覺得若有所失 (some will think the opposite : 若有所得)...... anyway, 希望心情快快 relax 啦...... | | |
| 10 號o向 BNE 同 D crews 食 dinner 時, 得知甘泉航空暫時清盤o既時候, 感覺好突然, 好失落同埋好擔心 O8 o既 friends, 我 join o左 CX 不知不覺已經半年喇~ 但我一直都諗住再去試 O8, 可能對 CX 熱情減退o左, 又可能想賺多 D 錢, 又或者我唔甘心上次 body check 之後冇o左消息, 又或者我好想飛多 D London/ Vancouver...... 好多好多原因都令我想去 O8...... 可能好多o野都係整定o既...... BNE 返屋企o個程車好 down, Eric 問我如果我呢幾個月堅決 quit CX 去試 O8, 又或者當初 O8 畀 o左 offer 我, 我而家會點? 我第一時間諗, "咁我應該仲同阿 Kim 一齊...... 我o地而家會唔會係互相支持?", Eric 又問, "咁如果你係 O8 crew, 你而家有咩打算呢?", 我呀? 應該好徬徨, 冇辦法啦, 唯有等人收購啦~, Eric 又問, "咁你搬o左出o黎要每個月畀錢銀行, 咁你又有咩 plan 呢?" 我o個一刻先記起我要畀錢養樓, 原來我唔可以冇工做, 因為冇工做我會冇得食, 冇得住...... 會好灰...... 突然發覺, 自己行緊o個條人生道路原來係冇得揀, 咩都被安排好晒...... 希望 O8 會有出路, 令 Crews 可以繼續做呢份好工, 令 passengers 繼續有平飛機搭~~~! | | |
| 上個禮拜睇o左 3 套戲, 有 "史柏力魔怪書 (The Spiderwick Chronicles)", "江山美人 (The Empress And The Warriors)" 同埋 "我的最愛 (L for Love L for Lies)", "江山美人" + "我的最愛" 比我想像中好睇, "史柏力魔怪書" 都好好睇, 不過太短喇, 得個半鐘...... 去 LA serve 完第一餐, 手背隱隱作痛, 原來唔知幾時畀咩介損o左, 呢張相係 2 日後臨返 HK 影o既, 傷痕仲清晰可見, 可以想像介損時有幾紅...... LA 真係好悶好悶, 或者係因為去之前唔係咁舒服啦, 到達後, 我竟然可以瞓完 6 個鐘, 去完 Santa Monica shopping 返o黎, 再瞓足 21 個鐘, 犀利呀~   
仲有之前飛 BKK o既戰利品~!!! 
| | |
| 我真係唔可以拍拖住, 要諗清楚我想點... 可能我又要鑽牛角尖喇~ 有朋友同我講我個 xanga 有好多關於我同阿 Kim o既o野, 突然好想睇返我打過 d 乜, 可惜, 我自己睇唔返喇, 全部都係錯碼 ... 果然, 好多事都冇得返轉頭... 我淨係可以睇到大約 2006年11月17日 我o地一齊去 Disneyland celebrate 1st anniversary, 原來我o地有諗過 2nd anniversary 去 Tokyo Disneyland, 今年, 我o地o係 depressed 中渡過, 好多好多承諾同埋回憶...... 不過一切都已成過去...... 原來講一生一世, 講永遠, 講我愛你係係人都識, 係人都會講, "一生一世" 原來等於 3 個月, 一開始, 係我覺得我唔夠愛佢, 因為我捨得離開佢, 但係到後來發覺, 原來佢都唔係咁愛我o者, 因為佢捨得放棄我...... 今日o係 LA 返o黎, 有幾個 crews 講起佢o地對感情o既睇法, 正如師父 Hujo 話齋, 原來好多人都認為兩個人鍾意對方而又相處得好已經好難得, 唔一定係視對方為結婚對象...... 係咁o既咩? 可以咁o既咩? 可能我追求o既太遙遠啦, 所以個個都話我唔知諗乜, 但係, 我應該點諗呢? 我唔係恨嫁, 我只係想搵一個有"Bingo!!! 係你喇!!!"呢個感覺o既人o者, 唔理喇, 唔好累人累物就 ok 啦~! 我覺得我好幸運, 遇到o既人都係好人, 希望, 我之後遇到o既都係好人啦~! | | |
|
|
